الفرق بين الميزانية اليومية وميزانية الحملة كلها
في عالم الإعلانات الرقمية، وخاصة على منصة فيسبوك، لا يكفي فقط إنشاء إعلان جذاب أو اختيار الجمهور المستهدف بدقة. من أهم العوامل التي تؤثر بشكل مباشر على نجاح الحملة الإعلانية وتحقيق أفضل عائد على الاستثمار، هو اختيار نوع الميزانية المناسب.
غالبًا ما يقع المعلنون الجدد وحتى بعض المحترفين في خطأ عدم التفرقة بين الميزانية اليومية (Daily Budget) وميزانية الحملة الكاملة (Lifetime Budget)، مما يؤدي إلى نتائج غير مرضية أو استنزاف غير محسوب للميزانية.
في هذا المقال، سنوضح الفروق الأساسية بين هذين النوعين من الميزانيات، ومتى تستخدم كل منهما، وما هي الخيارات الإضافية التي يتيحها كل نوع مثل جدولة وقت العرض أو تعديل الإنفاق حسب الأيام.
وإنت بتعمل إعلانات ممولة:
خلي بالك من حاجتين- الميزانية اليومية (Daily Budget).
- ميزانية الحملة كلها (Lifetime Budget).
واربط معاهم دول:
- جدولة ميزانية الإعلان.
- وقت عرض الإعلان.
الشرح:
الميزانية اليومية (Daily Budget):
ودي متوسط الإنفاق كل يوم وأقصى حاجة تنفقها خلال اليوم الواحد وليكن 125 جنية وهنا عايزك تركز إن في ميزانية محددة هنا "يعني قدر معلوم" حاجة معروفة وليست مجهولة.
نستنتج هنا من الكلام ده:
إن لما حضرتك تاجي في ميزة زي "جدولة ميزانية الحملة" وتقوله عايز أزود من يوم كذا لحد يوم كذا سواء نسبة مئوية أو مبلغ على المبلغ اللي حاطه للحملة كحد إنفاق يومي مش هيرفض.
وليكن مثلا:زيادة 25% + 125 الميزانية اليومية = 156.25 جنية.
زيادة 25 جنية + 125 الميزانية اليومية = 150 جنية.
يعني من الكلام ده نوصل لأي؟
- عايز تتحكم في زيادة الميزانية سواء بالزيادة أو النقص يبقى لازما ميزانية حملتك تكون "ميزانية يومية Daily Budget".
- يعني مع "ميزانية الحملة كلها "Lifetime Budget" مش هينفع فيها جدولة للميزانية؟!
لأ؛ لأن هو مش عارف إنت هتصرف كام أو معدلك في اليوم كام.
- أما بالنسبة لميزة "جدولة وقت عرض الإعلان" فا هي مش هتنفع تشتغل معاك غير في "ميزانية الحملة كلها".
طيب ليه؟
لأن زي ما قولتلك أثناء تفعيل "ميزانية الحملة كلها" بيكون شغال بشكل متناسق مع الوقت "يمكنك جدولة إعلاناتك لتشغيلها خلال ساعات محددة أو أيام محددة من الأسبوع".
ميزانية الحملة كلها Lifetime Budget:
وهنا بنتكلم عن المبلغ إللي هتنفقه خلال مدة الحملة كلها سواء يومين أو 10 أيام أو أكثر من ذالك يعني 1500 مثلا خلال الفترة كلها.
وهنا برضوا عايزك تركز في إن مفيش Budget معين لليوم الواحد يعني المبلغ إللي هينفقه غير معلوم "مبهم".ونستنج إن هنا هتقدر تشغل "جدولة وقت عرض الإعلان" ولكن مش هتقدر تفعل "جدولة ميزانية الإعلان".
جدولة ميزانية الإعلان:
يمكنك زيادة ميزانيتك خلال أيام وأوقات محددة استنادًا إلى الوقت الذي تتوقع فيه ذروة الطلب.
يمكن إستخدامها في "الميزانية اليومية Daily Budget فقط".
جدولة وقت عرض الإعلان:
يمكنك جدولة إعلاناتك لتشغيلها خلال ساعات محددة أو أيام محددة من الأسبوع.
يمكن إستخدامها في "ميزانية الحملة كلها Lifetime Budget فقط".